إجابات قصيرة على اللي محتاج تعرفه قبل ما تسجّل.
أيوه، الباقات المدفوعة فيها فترة تجريبية مجانية مدتها 7 أيام، ومن غير ما تدخل بيانات أي كارت. التجربة مش بتبدأ وقت التسجيل، بتبدأ لما تدوس على زرار تفعيل التجربة في خطوة الدفع. ولما المدة تخلص، لوحة التحكم بتقف لحد ما تجدد اشتراكك، لكن موقعك وطلابك بيفضلوا شغالين عادي.
لأ. مش محتاج تبرمج ولا تشتري استضافة ولا دومين. منصتك بتشتغل على طول على رابط باسمك زي ahmed.snatr.com، وكل حاجة فيها بتتظبط من لوحة التحكم.
بتعدّي على خطوات قصيرة بالترتيب. الأول بنجهّز منصتك، وبعدين بتفعّل اشتراكك أو تبدأ الفترة التجريبية، وبعدين بتأكد رقم الواتساب بكود بيوصلك عليه، وفي الآخر بتكتب اسم موقعك وترفع الشعار. بعد كده بتدخل لوحة التحكم وتبدأ تضيف كورساتك وطلابك.
لأن حسابك بيتربط بيه. لازم يكون رقم موبايل مصري من 11 رقم ويبدأ بـ 01، وهيوصلك عليه كود تأكيد في خطوات الإعداد، والخطوة دي لازم تخلص قبل ما تدخل لوحة التحكم.
رابط منصتك بيتعمل من اسم المنصة اللي بتكتبه بالإنجليزي، زي ahmed.snatr.com. تقدر تغيّره بعدين من لوحة التحكم، بس الرابط القديم بيبطّل يشتغل أول ما تغيّره، فالأحسن تختاره كويس من الأول. أما اسم الموقع اللي بيظهر لطلابك فتقدر تعدّله في أي وقت بالعربي والإنجليزي.
الطالب بيتسجّل عادي، ومش بنقفل التسجيل ولا المنصة. الزيادة بتتحسب بسعر الطالب الإضافي في باقتك وبتتخصم من محفظتك، ولو المحفظة مفيهاش رصيد كفاية بتتسجل عليك وتتخصم من أول فلوس تدخلها. وبيوصلك تنبيه قبل ما توصل للحد. ونفس الكلام بيحصل مع مساحة الفيديوهات.
أيوه. اختيار التصميم مش خطوة في التسجيل. بعد ما تدخل لوحة التحكم بتختار شكل منصتك من التصميمات الجاهزة وتعدّل عليه من غير كود، وباقتك فيها عدد من التصميمات المجانية، والباقي تقدر تشتريه لو حبيت.