إزاي الطلبة يدفعولك أونلاين: فوري، والمحافظ، والكارت، والسحب لفودافون كاش وإنستاباي

إزاي الطالب بيدفع لك أونلاين على سناتر

1. 1

   الطالب بيفتح موقعك ويعمل حساب

   بيدخل على موقعك، ويعمل حساب برقم موبايله أو إيميله، ويختار الكورس أو المجموعة اللي عايزها.

2. 2

   بيختار طريقة الدفع

   بيلاقي طرق الدفع المتاحة من بوابة فواتيرك، زي الكارت وفوري وأمان والمحافظ. ولو معاه كوبون خصم بيكتبه قبل ما يدفع.

3. 3

   بيدفع

   بالكارت أو المحفظة بيدفع على طول. ولو اختار فوري أو أمان، بياخد كود يدفع بيه كاش في أي منفذ خلال 24 ساعة.

4. 4

   الكورس بيتفتح لوحده

   أول ما الدفع يتأكد، الكورس أو المجموعة بتتفتح للطالب، من غير ما انت أو المساعد تراجعوا حاجة بإيدكم.

5. 5

   الفلوس بتدخل محفظتك

   المبلغ بيظهر في محفظتك على سناتر، وبيبقى متاح للسحب بعد فترة الحجز، وهي 7 أيام حاليًا.

6. 6

   بتسحب على فودافون كاش أو إنستاباي

   بتطلب سحب على فودافون كاش أو إنستاباي أو حسابك في البنك. المبلغ بيتحجز من رصيدك وقت الطلب، وإدارة سناتر بتوافق وتحوّل لك.

الطالب يقدر يدفع بإيه؟

الطالب بيدفع بالجنيه المصري على موقعك، عن طريق بوابة الدفع فواتيرك (Fawaterak). الطرق اللي بتظهر له بتيجي من البوابة نفسها، وبتشمل طرق زي:

الطالب يقدر يشترك معاك من أي بلد. اللي برّه مصر بيدفع بكارته الدولي، والمبلغ بيتسحب بالجنيه المصري وبنكه هو اللي بيحوّله لعملته. أما فوري وأمان والمحافظ فطرق مصرية، للطالب اللي في مصر.

إنستاباي مش طريقة دفع للطالب على المنصة. إنستاباي بتستخدمه انت عشان تسحب فلوسك.

كل طلب دفع بيبقى لطالب واحد وكورس أو مجموعة واحدة. ورسوم بوابة الدفع سناتر هي اللي بتتحملها، مش انت.

• الكارت، فيزا أو ماستركارد، سواء كارت مصري أو كارت دولي من أي بلد.
• أكواد فوري وأمان: الطالب بياخد كود ويدفع بيه كاش في أي منفذ، والكود صالح 24 ساعة.
• المحافظ الإلكترونية زي فودافون كاش.

سعري بيوصلني كامل؟

أيوه. سعرك بيوصلك كامل، ومش بنخصم منه حاجة. لو فيه عمولة للمنصة على الدفع أونلاين، بتتضاف على الطالب فوق سعرك.

مثال للتوضيح بس، والأرقام مش أسعار ولا نسبة حقيقية: لو سعر الكورس 1000 جنيه، والعمولة افتراضًا 10%، الطالب هيدفع 1100 جنيه، وانت هيوصلك 1000 جنيه كاملين. نسبة العمولة بتحددها إدارة المنصة.

وده بيفرق في الحسبة: سعرك اللي كاتبه على الكورس هو اللي بيوصلك، فمش محتاج تزوّد السعر عشان تغطي نسبة بتتخصم منك.

الفلوس بتروح فين، وبسحبها إمتى؟

كل دفعة بتدخل محفظتك على سناتر. المبلغ بيفضل محجوز فترة، وهي 7 أيام حاليًا، وبعدها بيبقى متاح للسحب. المحفظة بتوريك التلات أرقام دول كل واحد لوحده:

بتسحب على فودافون كاش أو إنستاباي أو حسابك في البنك. أول ما تقدّم طلب السحب، المبلغ بيتحجز من رصيدك عشان ميتسحبش مرتين، وبعدها إدارة سناتر بتوافق على الطلب وتحوّل لك. السحب مش لحظي، ولو الطلب اترفض المبلغ بيرجع محفظتك.

والطالب اللي بيدفع كاش في السنتر؟

بتسجّله بإيدك. لو طالب دفع لك كاش في السنتر، بتشترك له في الكورس أو المجموعة من لوحة التحكم، من غير عمولة ومن غير ما الفلوس تعدّي على محفظتك.

• تقدر تعمل حساب الطالب بنفسك بكلمة سر وتسلّمها له.
• تقدر توقف دخول أي طالب في أي وقت، لو اشتراكه خلص أو مدفعش.
• تقدر تختار البيانات اللي الطالب بيكتبها وهو بيسجل: المحافظة، والمدينة، والمرحلة، وصورة البطاقة، ورقم ولي الأمر.

• سناتر للسناتر
• إدارة السنتر

أكواد الشحن والكروت: أبيع كروت في السنتر أو المكتبة؟

أيوه. تقدر تطلّع أكواد وتطبعها كروت، وتبيعها كاش في السنتر أو في المكتبات أو مع أي حد بيوزّع لك. الطالب بيكتب الكود في حسابه على موقعك.

• الكود ممكن يفتح كورس معين أو مجموعة معينة، لعدد شهور أو عدد حصص انت بتحدده.
• أو يشحن رصيد للطالب على موقعك، يدفع بيه بعدين.
• الكروت بتنفع للطالب اللي معندوش كارت ولا محفظة، ولولي الأمر اللي عايز يدفع كاش في إيد حد يعرفه.

كوبونات الخصم بتشتغل إزاي؟

بتعمل كوبون بخصم نسبة أو مبلغ ثابت، وبتحدد هو على إيه وبيتستخدم إزاي:

• يشتغل على الموقع كله، أو على كورس معين، أو مجموعة معينة، أو مرحلة دراسية كاملة.
• تحدد له عدد مرات استخدام، أو تسيبه من غير حد.
• كل طالب بيستخدمه مرة واحدة بس.
• انت بتختار الكوبون يشتغل على الحاجات اللي عليها خصم أصلًا ولا لأ.

أتابع فلوسي منين؟

من لوحة التحكم. كل محاولة دفع بتظهر في قائمة المعاملات، اللي نجحت واللي متمتش، فبتعرف مين حاول يدفع ووقف فين.

• قائمة بالطلبة اللي سجلوا ومشتروش، عشان تكلمهم أو تبعتلهم كوبون.
• سجل موحد لكل حركة فلوس في حسابك.
• تقارير أرباح شهرية ورسم بياني.
• إشعار في لوحة التحكم مع كل دفعة جديدة وكل تحديث في طلبات السحب.

تحويلات فودافون كاش على رقمك ولا الدفع على المنصة؟

التحويل على رقمك سهل والفلوس بتوصلك على طول، ودي ميزته الحقيقية. المشكلة بتبدأ لما الطلبة يكتروا:

لو عندك طلبة قليلين وبتعرفهم بالاسم، التحويل على رقمك ممكن يكفي. لو عندك مجموعات كتير كل شهر، الدفع على المنصة بيوفّر عليك ساعات مراجعة، وبيقفل باب «أنا حوّلت والله» من غير إثبات.

• الأسعار والباقات
• سناتر للسناتر