عايز سيستم للسنتر؟ برنامج إدارة سنتر دروس بالمجموعات والحضور والأونلاين في حساب واحد

تشغّل السنتر بتاعك على سناتر إزاي؟

1. 1

   اعمل حسابك واختار اسم المنصة

   بتسجّل باسمك ورقم الواتساب واسم المنصة، فيتعمل لك موقع باسمك. بتبدأ الفترة التجريبية أو الاشتراك من خطوة الدفع، مش وقت التسجيل.

2. 2

   ضيف الفروع والمجموعات

   بتعمل فرع لكل مكان بتدرّس فيه، وجوه كل فرع المجموعات بجدول مواعيدها الأسبوعي وعدد الأماكن فيها.

3. 3

   سجّل الطلبة واطبع كروت الحضور

   كل طالب في السنتر بياخد كود بيبدأ بـ ST- وكارت QR بتطبعه وتسلّمه له. ولو الطالب ليه حساب أونلاين على موقعك، بتربطه بملفه في السنتر.

4. 4

   اعمل حسابات للسكرتارية وأولياء الأمور

   بتعمل حساب لكل مساعد وتختار له قالب صلاحيات زي مكتب الاستقبال، وبتعمل حساب لكل ولي أمر وتربطه بولاده. انت اللي بتحدد كلمة السر في الحالتين.

5. 5

   ابدأ تسجّل الحضور من أول حصة

   المكتب بيفتح شاشة المسح من متصفح الموبايل ويمسح الكارت عند الباب، أو بيفتح الكشف ويعلّم الحاضرين ويحفظ.

يعني إيه سيستم سنتر على سناتر؟

سيستم السنتر في سناتر هو نفس الحساب اللي بتدير منه منصتك الأونلاين. مش برنامج منفصل بتسطّبه على جهاز، ومش موقع تاني بباسورد تاني. بتفتحه من متصفح الموبايل أو الكمبيوتر، وكل حاجة بتتحفظ على السيرفر، فلو الجهاز باظ مش بتخسر حاجة.

• تقدر تنظم فروعك ومجموعاتك ومواعيدها وعدد الأماكن في كل مجموعة.
• بتسجل حضور الطلبة بكارت QR عند الباب، أو بكشف يدوي على الموبايل.
• ولي الأمر بيدخل بوابة على موقعك ويشوف حضور ابنه وغيابه.
• السكرتارية والمساعدين كل واحد فيهم بيشوف الشاشات اللي انت سمحت له بيها بس.
• نفس الطالب ممكن يحضر في السنتر، ويتفرج على الكورسات، ويحل الامتحانات على موقعك.

• تفاصيل إدارة السنتر شاشة بشاشة

عندي أكتر من فرع، أنظم المجموعات والمواعيد إزاي؟

كل فرع ليه مجموعاته، وكل مجموعة ليها جدول مواعيد أسبوعي وعدد أماكن. لما المجموعة تتملي، المنصة بترفض أي طالب زيادة لحد ما انت تزوّد عدد الأماكن، فمش هتلاقي 40 طالب في قاعة بتاخد 30.

لو طالب عايز ينقل من مجموعة السبت لمجموعة الأحد، بتنقله وتاريخ حضوره بيفضل معاه. والمواعيد بتتحسب بتوقيت مصر، حتى لما التوقيت الصيفي بيتغيّر.

أي فرع أو مجموعة أو طالب ليه حضور متسجّل مش بيتمسح، بيتأرشف. ده معناه إن سجل السنة اللي فاتت بيفضل موجود لو احتجته.

الحضور والغياب في السنتر: بالـ QR ولا بالكشف؟

الاتنين موجودين، وانت بتختار اللي يناسب الباب عندك. كل طالب ليه كارت QR موقّع بيتطبع من ملفه. المكتب بيفتح الكاميرا من المتصفح ويمسح الكارت، والطالب بيتسجّل في الحصة اللي شغالة.

• في الكشف اليدوي الكل بيبدأ غايب، وفيه زرار واحد يعلّم الكل حاضر، ومفيش حاجة بتتحسب قبل ما تدوس حفظ.
• فيه أربع حالات: حاضر، ومتأخر، وغايب، وبعذر. اللي بيوصل بعد 10 دقايق أو أكتر من بداية الحصة بيتسجّل متأخر.
• لو كارت ضاع أو اتصوّر، بتطلع كارت جديد والقديم بيتلغي في نفس اللحظة.
• نفس الكارت مش بيتحسب مرتين في نفس الحصة.
• مسح الكارت بالكاميرا محتاج تسمح للمتصفح يستخدم الكاميرا.

ولي الأمر يتابع من غير ما يتصل بالسنتر

بتعمل لكل ولي أمر حساب على موقعك، وبتربطه بولاده حتى لو كل واحد في مجموعة. ولي الأمر بيدخل ويشوف حضور السنتر وغيابه وتأخيره، وبيشوف الدرجات والمدفوعات لما ابنه يبقى ليه حساب أونلاين مربوط. الحساب للقراية بس، والتنبيهات للغياب والتأخير جوه البوابة.

مفيش رسايل واتساب أو SMS بتتبعت لولي الأمر من المنصة. لو أولياء الأمور عندك متعودين على رسالة مع كل غياب، ده لازم تعرفه قبل ما تشترك.

• بوابة ولي الأمر بالتفصيل

السكرتارية: كل واحد يشوف شغله بس

المساعد بيدخل من صفحة دخول المساعدين على موقعك نفسه بحساب انت عامله وكلمة سر انت محددها، وبيشتغل جوه لوحة التحكم بتاعتك على الشاشات اللي فتحتها له بس.

• فيه مفتاح لكل شاشة، وأربع قوالب جاهزة: مكتب الاستقبال، ومشرف فرع، ومساعد أكاديمي، وصلاحية كاملة.
• الصلاحيات بتتقري مع كل طلب، فلو قفلت شاشة بتتقفل عنده في نفس اللحظة.
• لو وقفت حساب مساعد أو غيرت كلمة السر، كل جلساته المفتوحة بتتقفل فورًا.
• فيه سجل بيقولك مين عمل إيه في 7 عمليات حساسة، زي حذف طالب أو مجموعة، وحفظ الكشف، وتعديل الحضور، وتجديد الكارت.
• المساعد تابع لحسابك كله. لسه مفيش صلاحية على فرع واحد بس.

الفلوس في السنتر: كاش وكروت شحن وكوبونات ودفع أونلاين

أغلب السناتر بتحصّل كاش على المكتب، وده متاح من غير ما تغيّر طريقتك. وجنبه فيه دفع أونلاين وكروت شحن وكوبونات، وانت بتستخدم اللي يناسبك منهم.

الفلوس اللي بتدخل أونلاين بتبقى قابلة للسحب بعد فترة حجز (7 أيام حاليًا)، وأقل سحب 100 جنيه حاليًا، وبتسحب على فودافون كاش أو إنستاباي أو حساب بنكي. ولو فيه عمولة للمنصة على الدفع الأونلاين، بتتزوّد على الطالب فوق سعرك، ومش بتتخصم منك.

السنتر والأونلاين مع بعض: موقع باسم السنتر

مع سيستم السنتر بياخد السنتر موقع كامل باسمه. بتختار شكله من 30 تصميم جاهز، وبتعدّل الكلام والألوان والصور والشعار بنفسك من غير كود.

• تقدر تبيع كورسات مسجلة مقسمة وحدات ودروس، ومجموعات أونلاين بالاشتراك الشهري أو بالحصة.
• الفيديوهات اللي بترفعها متشفّرة ضد أدوات التحميل، وعليها علامة مائية باسم الطالب.
• الامتحانات بتتصحح لوحدها على السيرفر، والتايمر بيتحسب على السيرفر مش في المتصفح.
• البث المباشر من جوه المنصة في باقة «الاحترافية»، والحضور فيه بيتسجّل لوحده.
• الدومين الخاص زي mycenter.com في باقة «الاحترافية» بعد الاشتراك المدفوع.

• حماية الفيديو
• الامتحانات الأونلاين
• البث المباشر
• التصميمات الجاهزة

سنتر كبير؟ الأسعار والباقة المخصصة

الباقات دلوقتي: «البداية» بـ 999 جنيه في الشهر لحد 100 طالب، و«الأساسية» بـ 1,999 جنيه في الشهر لحد 200 طالب، و«الاحترافية» بـ 2,999 جنيه في الشهر لحد 400 طالب. كل المميزات في كل الباقات، ما عدا البث المباشر والدومين الخاص في باقة «الاحترافية». الباقات بتفرق في عدد الطلاب والمساحة وسعر الطالب الزيادة.

لو عدد طلابك زاد عن الباقة، الطالب الجديد بيتسجّل عادي ومش بنقفل التسجيل. الطالب الزيادة بيتحسب مرة واحدة لما يتضاف، بالسعر المكتوب على باقتك، وبيتخصم من محفظتك. وفيه باقات جاهزة تزوّد بيها 100 أو 250 أو 500 طالب.

طلبة السنتر اللي بيحضروا في الفروع بس مش بيتحسبوا من عدد طلاب الباقة. الطالب بيتحسب لما يشترك في كورس أو مجموعة على المنصة، سواء دفع أونلاين أو بكود أو سجّلته بإيدك، ومرة واحدة بس حتى لو مشترك في أكتر من حاجة، وبيفضل محسوب حتى لو خرج بعد كده. يعني الطالب اللي بتسجّله في كشف الحضور بالكارت من غير اشتراك أونلاين مش بياخد مكان في الباقة.

لو السنتر أكبر من أكبر باقة، اطلب باقة مخصصة. بتكتب عدد الطلاب والمساحة اللي محتاجها، وفريقنا بيرد عليك خلال 24 ساعة.

• الأسعار
• اطلب باقة مخصصة

سناتر ولا برنامج سنتر تاني؟

فيه برامج للسنتر بس، زي برامج بتشتغل على جهازك من غير نت، أو أنظمة فيها حسابات المصروفات ورسايل لولي الأمر. لو شغلك كله جوه السنتر ومش ناوي تدرّس أونلاين، ممكن برنامج من دول يناسبك أكتر وبسعر أقل. سناتر بتفرق لما السنتر والأونلاين يبقوا شغل واحد.

• دليل اختيار برنامج إدارة السنتر
• سناتر ولا كشوف
• سناتر ولا Smart Center
• سناتر ولا TGO