منصة لمدرس ابتدائي وإعدادي: ولي الأمر بيتابع، والطفل بيذاكر بالترتيب

تبدأ إزاي مع طلبة ابتدائي وإعدادي؟

1. 1

   اعمل حسابك واختار تصميم يناسب سنهم

   فيه تصميمات معمولة للأطفال زي «ألوان الشمع» و«السبورة» و«كشكول المذاكرة»، وبتعدّل ألوانها وكلامها وصورها من غير كود.

2. 2

   اعمل مرحلة لكل صف

   بتعمل مراحل زي «رابعة ابتدائي» و«أولى إعدادي»، وكل كورس ومجموعة واختبار بيتربط بالصف بتاعه.

3. 3

   اختار الطالب يكتب إيه وهو بيسجّل

   تقدر تطلب رقم ولي الأمر والمرحلة وقت التسجيل. ولو الطفل صغير، اعمله الحساب بإيدك وسلّم كلمة السر لولي الأمر.

4. 4

   اعمل حساب لكل ولي أمر

   بتعمل الحساب وكلمة السر وتربطه بولاده. ولي الأمر بيدخل من موقعك نفسه ويشوف الحضور والدرجات.

5. 5

   ارفع أول درس وأول كويز

   درس قصير بفيديو، وبعده كويز من 5 أسئلة بصور. الدرس اللي بعده بيتفتح لما الطفل يخلّص ده.

ولي الأمر هو العميل الحقيقي

في سن الابتدائي والإعدادي ولي الأمر هو اللي بيختار المدرس، وهو اللي بيدفع، وهو اللي بيتصل يسأل «ابني عامل إيه؟». على سناتر بتعمل لكل ولي أمر حساب على موقعك، بيشوف منه:

الحساب للقراية بس: ولي الأمر مش بيقدر يغيّر أي حاجة غير كلمة السر بتاعته. ومفيش رسايل واتساب أو SMS بتتبعت له من المنصة، فلو أولياء الأمور عندك متعودين على رسالة مع كل غياب، ده لازم تعرفه قبل ما تشترك.

• حضور ابنه في السنتر وغيابه وتأخيره، أول ما الكشف يتحفظ.
• درجاته في الاختبارات ومدفوعاته، لما ابنه يبقى ليه حساب أونلاين مربوط بيه.
• تنبيه جوه البوابة لما ابنه يغيب أو يتأخر.
• كل ولاده في حساب واحد، حتى لو واحد في خامسة ابتدائي والتاني في تانية إعدادي.

• بوابة ولي الأمر بالتفصيل

الطفل ملوش موبايل ولا إيميل؟

مش مشكلة. تقدر تعمل حساب الطالب بنفسك من لوحة التحكم بكلمة سر من عندك، وتسلّمها لولي الأمر. وتقدر توقف دخول أي طالب في أي وقت.

ولو عايز الطلبة يسجّلوا من موقعك، انت اللي بتختار يكتبوا إيه: رقم ولي الأمر، والمرحلة، والمحافظة والمدينة. الطالب بيدخل برقم موبايل أو إيميل، والاتنين مينفعش يتقفلوا مع بعض. والطالب بيدخل من جهاز واحد في نفس الوقت، فلو أخوه دخل بنفس الحساب من موبايل تاني، الجهاز الأول بيخرج.

دروس قصيرة بتتفتح بالترتيب

الطفل بيذاكر أحسن لما الدرس قصير والخطوة اللي بعده واضحة. كل كورس على سناتر بيتقسم وحدات ودروس، والدرس اللي بعده بيتفتح لما الطفل يتفرج على 90% من الفيديو أو يسلّم اختبار الدرس، والسيرفر هو اللي بيفرض ده.

• الفيديو بيشتغل بجودة 720p أو 480p أو 360p، فلو النت في البيت ضعيف بيتفرج بجودة أقل.
• تقدر تفتح درس معاينة ببلاش، عشان ولي الأمر يشوف شرحك قبل ما يدفع.
• لكل درس ورقة شغل PDF لحد 50 ميجا يطبعها ولي الأمر. الـ PDF بيفتحه الطالب المشترك بس، برابط بيخلص بعد دقيقتين، واللي فتحه يقدر يحفظه ويطبعه.
• الفيديو اللي بترفعه متشفّر، فمينفعش يتنزل بأدوات التحميل ويتبعت في جروبات الماميز. وعليه علامة مائية باسم الطالب بتردع اللي يفكر يصوّر الشاشة، بس هي مش دليل.

• حماية الفيديوهات

اختبارات بصور على قد سنهم

الكويز على سناتر بيتحل سؤال سؤال، والامتحان ورقة كاملة. فيه 4 أنواع أسئلة: صح وغلط، واختيار إجابة واحدة، واختيار أكتر من إجابة، ومقالي. وكل سؤال ممكن يبقى معاه صورة، زي شكل هندسي أو صورة حيوان أو جملة يكمّلها الطفل.

• التصحيح بيحصل لوحده على السيرفر، والدرجة بتظهر للطالب ولولي الأمر.
• بتحدد عدد المحاولات أو تسيبه مفتوح، فالطفل يقدر يعيد الكويز لحد ما يتقنه.
• تقدر تحط وقت للامتحان، والوقت بيتحسب على السيرفر، فتقفيل الصفحة مش بيزوّده.
• الاختيارات نفسها كلام بس، والصورة بتبقى على السؤال مش على كل اختيار.

• الامتحانات الأونلاين

المجموعات: في السنتر وأونلاين

لو بتدرّس في سنتر، بتعمل الفروع والمجموعات بمواعيدها وعدد أماكنها، وكل طفل بياخد كارت QR بيتمسح على الباب. ولو بتدرّس أونلاين، بتبيع المجموعة باشتراك شهري أو بعدد حصص.

في البث المباشر (باقة «الاحترافية») الطفل مش محتاج يفتح كاميرا ولا مايك. بيتفرج ويسمع، ولما يرفع إيده انت بتدّيله المايك يسأل، وبتاخده منه بعد ما يخلّص. والحضور بيتسجل لوحده.

• إدارة السنتر والحضور
• البث المباشر

ولي الأمر بيدفع إزاي؟

ولي الأمر بيدفع أونلاين بالجنيه بالكارت، أو بكود فوري أو أمان، أو بمحفظة زي فودافون كاش، والكورس بيتفتح لوحده. واللي بيدفع كاش في السنتر بتسجّل ابنه بإيدك من غير عمولة.

• تقدر تطبع كروت شحن وتبيعها في السنتر أو المكتبة اللي جنب المدرسة، والكود بيفتح الكورس أو المجموعة.
• تقدر تعمل كوبون خصم للإخوات أو لأول شهر، ومرة واحدة لكل طالب.
• الطالب اللي بيحضر في السنتر بس، ومش مشترك في كورس أو مجموعة على المنصة، مش بيتحسب من عدد طلاب الباقة.
• بتشوف قايمة بالطلبة اللي عملوا حساب ومشتروش، عشان تكلم أولياء أمورهم.
• الباقات دلوقتي: «البداية» بـ 999 جنيه في الشهر لحد 100 طالب، و«الأساسية» بـ 1,999 جنيه في الشهر لحد 200 طالب، و«الاحترافية» بـ 2,999 جنيه في الشهر لحد 400 طالب.

• الدفع والمحفظة