إزاي تسعّر كورسك أونلاين؟ دليل للمدرس في مصر

تسعّر كورسك في 6 خطوات

1. 1

   اكتب مصاريفك الشهرية

   اجمع كل اللي بتصرفه في الشهر على التدريس أونلاين: اشتراك المنصة، والتصوير والمونتاج، والإعلانات، ومساعدك لو عندك. ده الرقم اللي لازم السعر يغطيه الأول.

2. 2

   قسّمها على عدد الطلاب المتوقع

   خمّن بصراحة كام طالب هيشترك في أول شهر، وقسّم المصاريف عليهم. الناتج هو أقل سعر للطالب في الشهر من غير مكسب. لو المصاريف 3,000 جنيه والمتوقع 60 طالب، يبقى كل طالب بيكلفك 50 جنيه.

3. 3

   قارن بسعر حصتك في السنتر

   الطالب بيقارن سعرك الأونلاين باللي بيدفعه في الحصة أو الشهر عندك أو عند غيرك. حط سعرك قريب منه، وفكّر إن الطالب الأونلاين بيوفّر المواصلات وبيقدر يعيد الشرح.

4. 4

   اختار شكل البيع

   كورس بسعر واحد للمراجعات والشرح المسجل، أو مجموعة أونلاين باشتراك شهري (30 يوم) أو بعدد حصص للشرح المستمر طول السنة. كل شكل ليه سعره، ومش لازم تختار واحد بس.

5. 5

   حط السعر والسعر بعد الخصم

   في سناتر كل كورس ليه سعر وسعر بعد الخصم. خلّي الأساسي هو سعرك الحقيقي، واستخدم السعر بعد الخصم في أول الترم أو قبل الامتحانات، وبعدها رجّعه.

6. 6

   راجع بعد شهر

   بص على عدد اللي اشتروا، وعلى قايمة الطلبة اللي عملوا حساب ومشتروش. لو كتير سجّلوا ومشتروش، جرّب كوبون أو درس معاينة مجاني قبل ما تنزّل السعر نفسه.

كورس بسعر واحد ولا اشتراك شهري ولا بالحصة؟

الطالب المصري متعود يدفع للمدرس بالشهر أو بالحصة، مش بسعر كبير مرة واحدة. عشان كده شكل البيع بيفرق في عدد اللي بيشتروا زي السعر بالظبط:

الرسوم بتتحسب على مين؟

في سناتر السعر اللي بتكتبه هو اللي بيوصل محفظتك. أي رسوم على الدفع أونلاين بتتضاف على الطالب فوق سعرك، ومش بتتخصم منك. فلما تحسب سعرك، احسبه على إنه صافي ليك.

الطالب بيدفع بالجنيه بالكارت أو أكواد فوري وأمان أو المحافظ زي فودافون كاش، والكورس أو المجموعة بتتفتح له لوحدها بعد الدفع. والفلوس بتبقى متاحة للسحب بعد فترة أمان، وبتسحبها على فودافون كاش أو إنستاباي أو حساب بنكي.

• الدفع والمحفظة بالتفصيل

إزاي تعمل خصم من غير ما تكسر سعرك؟

تنزيل السعر الأساسي صعب ترجع فيه، لأن الطلبة بيفتكروا أقل سعر شافوه. الأحسن إنك تسيب سعرك زي ما هو، وتستخدم أدوات خصم ليها بداية ونهاية:

• السعر بعد الخصم: بيظهر على صفحة الكورس جنب السعر الأصلي، وبتشيله لما العرض يخلص.
• كوبون خصم: بنسبة أو بمبلغ ثابت، على الموقع كله أو كورس أو مجموعة أو مرحلة، بتاريخ بداية ونهاية وعدد استخدامات، ومرة واحدة لكل طالب. وانت بتختار الكوبون يشتغل على الحاجات اللي عليها خصم أصلًا ولا لأ.
• درس معاينة مجاني: بتفتح درس واحد ببلاش على صفحة الكورس، فالطالب يشوف شرحك قبل ما يدفع. ده غالبًا بيقنع أكتر من الخصم.

والطالب اللي بيدفع كاش؟

مش كل الطلبة معاهم كارت أو محفظة. عندك طريقتين من غير ما تخسرهم:

• أكواد الشحن: بتطبع كروت بأكواد وتبيعها كاش في السنتر أو المكتبة. الكود يا إما بيفتح كورس أو مجموعة لعدد شهور أو حصص، يا إما بيشحن رصيد للطالب على موقعك.
• التسجيل بإيدك: الطالب اللي دفعلك كاش بتسجّله في الكورس من لوحة التحكم، ومن غير عمولة.

عندك طلبة برّه مصر؟

تقدر تعرض أسعار موقعك بالجنيه المصري أو الدولار أو الريال السعودي. والطالب يقدر يشترك من أي بلد. الدفع أونلاين بالجنيه بس، فالطالب اللي برّه مصر بيدفع بكارته الدولي (فيزا أو ماستركارد)، والمبلغ بيتسحب بالجنيه وبنكه بيحوّله لعملته. ولو خليت عملة موقعك دولار أو ريال، الدفع أونلاين مش متاح لحد دلوقتي، فبتحصّل بطريقتك وتفتح الكورس بإيدك أو بكود. عشان كده لو أغلب طلابك برّه مصر، سعّر بالجنيه وقول لهم إن البنك هو اللي بيحوّل.

عدد طلابك بيأثر على تكلفتك إزاي؟

اشتراك سناتر بيتحسب على عدد الطلاب والمساحة: «البداية» بـ 999 جنيه في الشهر لحد 100 طالب، و«الأساسية» بـ 1,999 جنيه في الشهر لحد 200 طالب، و«الاحترافية» بـ 2,999 جنيه في الشهر لحد 400 طالب. الطالب بيتحسب مرة واحدة أول ما ينضم لأي كورس أو مجموعة، حتى لو مشترك في كذا حاجة، وبيفضل محسوب حتى لو خرج بعد كده. اللي عمل حساب ومشتركش في حاجة مش بيتحسب، ولا طالب السنتر اللي بيحضر في الفرع بس من غير اشتراك على المنصة. ولو عدد طلابك عدّى الباقة، التسجيل مش بيقف، والطالب الزيادة بيتحسب بسعر الطالب الإضافي في باقتك.

يعني مصاريف المنصة نفسها بتزيد مع عدد الطلاب، بس بنسبة صغيرة من اللي كل طالب بيدفعه. حطها في حسبة الخطوة الأولى.

• تكلفة المنصة التعليمية بالحاسبة
• الأسعار