إزاي تنقل طلابك من جروب واتساب لمنصة تعليمية من غير ما تخسرهم؟

تنقل الجروب للمنصة في 7 خطوات

1. 1

   افتح منصتك وجهّز شكلها

   سجّل في سناتر، واختار تصميم لموقعك، وحط اسمك وشعارك. منصتك بتشتغل على موقع باسمك.

2. 2

   اختار الطالب يكتب إيه وهو بيسجّل

   من «معلومات الموقع» في لوحة التحكم، بتحدد الطالب يكتب إيه: الاسم والموبايل والإيميل، والمحافظة والمدينة والمرحلة ورقم ولي الأمر لو محتاجهم. الطالب بيدخل بعد كده برقم موبايله أو إيميله.

3. 3

   ارفع الدروس واعمل الكورسات والمجموعات

   قسّم شغلك على مراحل، واعمل كورس بسعر أو مجموعة أونلاين باشتراك شهري أو بعدد حصص. ارفع الدروس المدفوعة على المنصة عشان تتشفّر، وخلّي درس واحد معاينة مجانية.

4. 4

   جهّز عرض لطلاب الجروب

   اعمل كوبون خصم لطلاب الجروب بتاريخ نهاية، كل طالب يستخدمه مرة واحدة. وللي بيدفع كاش، اطبع كروت بأكواد شحن أو سجّله بإيدك بعد ما يدفعلك.

5. 5

   أعلن في الجروب بميعاد واضح

   ابعت رابط موقعك وخطوات التسجيل والكوبون، وحدد بالتاريخ آخر درس مدفوع هيتبعت على واتساب. الميعاد الواضح بيخلّي الطلبة يسجّلوا بدل ما يأجّلوا.

6. 6

   ساعد اللي اتلخبط

   الطالب اللي مش عارف يسجّل تقدر تعمله حساب بكلمة سر من عندك وتبعتهاله. ولو نسي كلمة السر، بيوصله كود على الإيميل أو الواتساب.

7. 7

   خلّي الجروب للإعلانات بس

   بعد الميعاد، الدروس المدفوعة على المنصة بس. الجروب يفضل مكان للإعلانات ومواعيد الحصص وروابط الدروس الجديدة على موقعك.

ليه تنقل من الجروب أصلًا؟

جروب واتساب سهل وكل الطلبة عليه، بس لما الدروس تبقى مدفوعة بيظهر فيه مشاكل بتكبر مع عدد الطلاب:

• الفيديو أو الملف اللي بيتبعت في الجروب بيتحفظ على موبايل كل طالب، وبيتبعت لأي حد بضغطة.
• الطالب اللي بطّل يدفع بيفضل في الجروب لحد ما تشيله بإيدك.
• الدفع بتحويلات فودافون كاش وسكرينات بتراجعها واحدة واحدة.
• الطالب اللي بيدخل في نص السنة بيدوّر على الدروس القديمة في رسايل كتير.
• مفيش امتحانات بتتصحح لوحدها، ولا متابعة لمين اتفرج على إيه.

المنصة بتحل ده إزاي؟

على المنصة كل درس في مكانه، والطالب بيشوف اللي دفع تمنه بس. ودي الحاجات اللي بتتغير لما تنقل لسناتر:

• الكورسات مقسّمة وحدات ودروس، والطالب الجديد بيلاقي كل حاجة مرتبة.
• الطالب بيدفع بالكارت أو فوري أو المحافظ، والكورس بيتفتح له لوحده من غير ما تراجع تحويلات.
• المجموعة بالاشتراك الشهري بتتقفل لوحدها لما الشهر يخلص لحد ما الطالب يجدد.
• الفيديو المرفوع متشفّر، والطالب بيدخل من جهاز واحد في نفس الوقت.
• امتحانات بتتصحح لوحدها، وبتشوف كل طالب اتفرج على أنهي دروس.
• ولي الأمر يقدر يتابع حضور ابنه ودرجاته من بوابة على موقعك، بحساب انت بتعمله.

• حماية الفيديو
• متابعة ولي الأمر

واتساب ولا منصة: الفرق في جدول

هخسر طلبة في الانتقال؟

ممكن شوية يتأخروا، وده طبيعي. اللي بيقلل الخسارة إن الانتقال يبقى سهل وواضح: رابط واحد، وخطوات تسجيل قصيرة، وكوبون ليه ميعاد، وميعاد آخر درس على واتساب. والطالب اللي مش عارف يتعامل مع المنصة، اعمله حساب بنفسك.

ولو عندك تجربة على قناة تليجرام أو يوتيوب غير مدرج، نفس الخطوات بتنفع، والدليل ده بيشرح الفرق بينهم.

• يوتيوب وتليجرام ولا منصة؟
• إزاي تسعّر كورسك